愛家國際餐飲 (已結業)

食肉獸偶爾都要食得清淡d，鬧市中有間素食飯堂，呢度好似canteen咁，一入門口見到餐牌，要先俾錢，然後等叫號碼拎飯。門口擺放左唔同素食食品，仲有素雪糕Happy Cow添！呢度素食全部不含蛋奶，全素食者都食得。午市套餐幾抵，三餸一湯，齋菜味道唔錯，我就叫左麻婆豆腐、西檸素扒、糖醋骨，有碗青紅蘿蔔粟米湯。西檸素扒汁個味道同西檸雞一樣，糖醋骨係麵筋，味道都十足十。之後再食左個Tiramisu，因為雪左入冰箱，要解凍15分鐘左右先食得，我食飯前已經叫左，所以食完飯時間岩岩好食得。