影片
更多
2019-07-08
631 瀏覽
我同朋友一個素食一個肉食，所以食米線諗住一人一碗唔使煩。點知去到，發覺果然係一個好決定！呢間米線店細細，應該得20-25個位左右，配料選擇非常之好，仲有中英文餐單！素食嘅配料都起碼有十個，朋友話終於有啖好食😆 我睇一睇個餐單，哇，連牛肝菌都有，菌類有四款，勁呀！我就叫咗全碗餸都係豬🐷🐷🐷，有豬腩肉、豬大腸同炸醬。三豬餸全部都好食～～不過最神奇嘅事出現咗啦！媽，係真米線呀！同我喺雲南食嘅米線質地係一樣！好感動😭 好多人唔知，其實香港好多米線店都係用江西米粉😆 一來大條啲二來來貨平好多，啲客食得飽又以為好抵食，一舉幾得。但江西米粉會越食越索湯，然後發脹...口感唔使問都知難食！而真正嘅雲南米線係好幼身，好軟滑，唔會發脹亦唔會更腍，最緊要係可以掛湯！差好遠㗎～朋友嗰碗係腐皮、黑木耳，清湯。味道係正常水準，始終冇落醬煮過，但兩款餸嘅質素都有驚喜！腐皮豆味好濃，質地非常滑溜。木耳係厚肉細朵款，非常爽脆，配腍身米線食好夾！👍🏻碗細細，但米線份量都唔小喎，最尾食唔晒🙉 呢個價錢咁高質素又抵食，絕對會再幫襯！
點知去到，發覺果然係一個好決定！呢間米線店細細，應該得20-25個位左右，配料選擇非常之好，仲有中英文餐單！素食嘅配料都起碼有十個，朋友話終於有啖好食😆 我睇一睇個餐單，哇，連牛肝菌都有，菌類有四款，勁呀！
我就叫咗全碗餸都係豬🐷🐷🐷，有豬腩肉、豬大腸同炸醬。三豬餸全部都好食～～不過最神奇嘅事出現咗啦！媽，係真米線呀！同我喺雲南食嘅米線質地係一樣！好感動😭 好多人唔知，其實香港好多米線店都係用江西米粉😆 一來大條啲二來來貨平好多，啲客食得飽又以為好抵食，一舉幾得。但江西米粉會越食越索湯，然後發脹...口感唔使問都知難食！而真正嘅雲南米線係好幼身，好軟滑，唔會發脹亦唔會更腍，最緊要係可以掛湯！差好遠㗎～
朋友嗰碗係腐皮、黑木耳，清湯。味道係正常水準，始終冇落醬煮過，但兩款餸嘅質素都有驚喜！腐皮豆味好濃，質地非常滑溜。木耳係厚肉細朵款，非常爽脆，配腍身米線食好夾！👍🏻
碗細細，但米線份量都唔小喎，最尾食唔晒🙉 呢個價錢咁高質素又抵食，絕對會再幫襯！
張貼
