悠蔬食 (渣甸中心) (已結業)

今日朋友想食清d，所以我地黎左呢間專食素食嘅餐廳。我一路都對食素嘅餐廳都麻麻，因為多數都會好努力扮返正常菜式而令本身食材浪費左，好少會真係做得好出色。今次食完呢間我都仲係有呢種感覺，不過味道都算係唔錯。要讚嘅係花款算係多，可能今日我地無叫d最出色嘅餸，所以整體食物質素麻麻。另一樣要讚嘅係環境同服務，環境十分寧靜同舒服，好適合三五知己傾計。而d staff服務都好周到👍🏻宮保菇丁 - 將菇同腰果炸左，再配合返個甜酸汁。醬汁味道係ok嘅，不過個菇炸到淋淋地 (炸完放左好耐嗰種感覺) 同埋比個醬搞到無咩菇味。擔擔麵 - 無肉碎嘅擔擔麵，雖然有好多花生但整體味道都係好淡，叫左辣但唔辣。天婦羅露荀牛肝菌意大利飯黑松露大啡菇 - 除左黑松露，仲用左薯蓉、薯仔粒同粟米去焗。成個菇好香黑松露味👍🏻千層蛋糕 - 海鹽味好重，但個皮好厚，食唔出千層嘅口感。蘋果玫瑰花茶 - 不太推薦，因為味道似溝出黎，蘋果同玫瑰花味都飲唔到。