菜香齋素食館 (已結業)

星期五晚去到旺角既菜香齋食飯，入到去發覺唔係齋期都幾多人喎，下層己坐滿了，我和朋友唯有上樓上，裝修只是一般。由於唔知有咩係照牌菜或好食的，便選了個自選三小菜既套餐。初時以為套餐既份量會細d，但上枱時發覺一點也不少。我們選了沙律拼脆奶，金銀蛋扒莧菜及梅菜茄子豆腐，另叫一個白飯。我對脆奶期望不大，有點心理準備佢會好油及炸粉好厚，但來到時，咬一口發覺我並不如我所想的，外層炸粉好薄，入面好香椰子味，好好食的，重有十粒之多，我們二人最後吃剩兩粒。至於梅菜茄子豆腐，賣相不錯，雖然豆腐唔滑，但食入口好有口感的，好清，適合我口味比較淡的人。最後會送上糖水，但甜了點，不過也不影響對食物既正面評價呢。