影片
更多
2021-01-13
18 瀏覽
食物：我哋食咗套餐 lunch for two, 前菜分別係羊肚耳秋葵配甜醋醬油同田園沙律。正所謂好嘅食物第一輪嘅前菜已經可見高下。依兩款沙律無論味道、色彩搭配定係擺盆配搭都係上乘。湯就各自飲咗南瓜湯同百合竹笙羹，同樣地味道豐富。主菜第一個係玫瑰叉燒，大家都知道依間係間素菜餐廳，但係我食呢個叉燒嘅時候真係一剎那覺得自己食緊真叉燒，事關佢外型同味道都非常仿真，朋友更加覺得食出嚟有肉汁嘅感覺下一道菜係燒汁芥末姫松茸，係是日我最喜愛嘅一道菜，首先係未食已經聞到好香，食落好脆，芥末亦都係有創意的妙配，講起都想再食最後一道主菜係新豬肉螺絲粉，好味，亦都係我第一次食新豬肉。最後甜品食咗脆皮燕麥奶，一上枱外表仲以為係炸雞，食落香甜，未試過嘅朋友都可以試吓環境：每台都有插鮮花，餐具同裝修都係優雅大氣服務態度：認真，每道菜上菜時都有講出菜名整體評語：極好，已經推薦左比身邊食素嘅朋友
我哋食咗套餐 lunch for two, 前菜分別係羊肚耳秋葵配甜醋醬油同田園沙律。正所謂好嘅食物第一輪嘅前菜已經可見高下。依兩款沙律無論味道、色彩搭配定係擺盆配搭都係上乘。
湯就各自飲咗南瓜湯同百合竹笙羹，同樣地味道豐富。
主菜第一個係玫瑰叉燒，大家都知道依間係間素菜餐廳，但係我食呢個叉燒嘅時候真係一剎那覺得自己食緊真叉燒，事關佢外型同味道都非常仿真，朋友更加覺得食出嚟有肉汁嘅感覺
下一道菜係燒汁芥末姫松茸，係是日我最喜愛嘅一道菜，首先係未食已經聞到好香，食落好脆，芥末亦都係有創意的妙配，講起都想再食
最後一道主菜係新豬肉螺絲粉，好味，亦都係我第一次食新豬肉。
最後甜品食咗脆皮燕麥奶，一上枱外表仲以為係炸雞，食落香甜，未試過嘅朋友都可以試吓
環境：每台都有插鮮花，餐具同裝修都係優雅大氣
服務態度：認真，每道菜上菜時都有講出菜名
整體評語：極好，已經推薦左比身邊食素嘅朋友
張貼
