影片
更多
2021-02-02
823 瀏覽
細個既時候，屋企人成日都會買一樣叫「東莞鬆糕」既糕點比我地食。個糕點四四方方，中間有一點紅點，入面係啲花生餡，簡簡單單但都叫人回味無窮。可惜依啲傳統糕點真係買少見少，往往都得啲年紀大既婆婆喺街邊擺賣。喺偶然既情況下認識左「驊記糕點屋」，發現佢地有多款傳統糕點賣，當然要黎幫襯下啦。一去到已經見到條小人龍，一望過去原來有個姐姐喺度即製糯米糍。雖然唔係為糯米糍而來，但見咁多人食，都要買返盒睇下有咩咁特別。姐姐熟練咁搓麵團同包餡料，好快就包好一盒6個既糯米糍。依度既糯米糕果然係我食過最好味既糯米糍，依家形容返都開始想流口水。個皮好薄好薄，入面啲餡滿到就黎瀉出黎，完全係皮薄餡靚既寫照。皮薄得黎又好煙韌，個花生餡甜度恰到好處，真係冇野可以挑剔。試完糯米糍就黎到我最愛既鬆糕。原來鬆糕有另一個名，叫做手粉，係香港圍村既傳統祭祀用食品。鬆糕既皮比一般糕點硬身，唔係煙韌同稔既果隻口感，可以當係硬少少既光酥餅。入面包住既餡同糯米糍餡差唔多，連埋個皮一齊食又係另一番風味。對我黎講鬆糕係童年回憶，每次食到都諗起細個果陣既開心事，不過對於冇依種回憶既人黎講，鬆糕未必會係一種好美味既糕點。除左糯米糍同鬆糕，仲有唔同
一去到已經見到條小人龍，一望過去原來有個姐姐喺度即製糯米糍。雖然唔係為糯米糍而來，但見咁多人食，都要買返盒睇下有咩咁特別。姐姐熟練咁搓麵團同包餡料，好快就包好一盒6個既糯米糍。依度既糯米糕果然係我食過最好味既糯米糍，依家形容返都開始想流口水。個皮好薄好薄，入面啲餡滿到就黎瀉出黎，完全係皮薄餡靚既寫照。皮薄得黎又好煙韌，個花生餡甜度恰到好處，真係冇野可以挑剔。
試完糯米糍就黎到我最愛既鬆糕。原來鬆糕有另一個名，叫做手粉，係香港圍村既傳統祭祀用食品。
鬆糕既皮比一般糕點硬身，唔係煙韌同稔既果隻口感，可以當係硬少少既光酥餅。入面包住既餡同糯米糍餡差唔多，連埋個皮一齊食又係另一番風味。對我黎講鬆糕係童年回憶，每次食到都諗起細個果陣既開心事，不過對於冇依種回憶既人黎講，鬆糕未必會係一種好美味既糕點。
除左糯米糍同鬆糕，仲有唔同口味既茶果同砵仔糕，砵仔糕仲有得揀黃色定白色、有豆定冇豆咁。砵仔糕咁質感偏稔，食落去覺得水份重左少少，冇乜特別咁。
依家真係好少見依種中式糕點店，希望佢地既手藝可以傳承落去，令更多人品嚐到昔日既美味。
張貼
