Kind Kitchen (已結業)

Kind Kitchen係Green Common旗下既高級少少既餐廳，餐牌同Green Common比會有多啲選擇，而且仲全部菜式都係冇蛋奶既純素，vegan們唔洗check啲小標記有冇蛋奶，食都食得舒服自在啲。午餐有set lunch揀，可以配湯或者沙律。今次個湯係南瓜湯，好creamy，唔錯。拉麵有三款，其中兩款主打新豬肉，我就揀左冇植物肉既白龍拉麵。唔加植物肉，改用整全食物，有豆腐、菇、蓮藕同菜等等，係真真正正既蔬食。個豆乳味噌湯底都好好味，不過就稍嫌唔夠熱，拉麵都係熱辣辣咁食係最正。植物肉主要都係吸引食肉獸去試下食少啲肉類，為佢地提供替代品。但有時去得食素，反而會預左係去食下菜呀其他蔬果咁。Kind Kitchen既好處係照顧到以唔同心態食素既人，令素食可以變得更普及。