影片
更多
2021-07-06
854 瀏覽
已經超過一年半冇去過旅行喇，就快唔記得左置身外國既感覺。被困喺香港既日子，想要感受少少異國風情，除左愉景灣之外，西貢都係個唔錯既選擇。西貢有好多半露天食肆，到左happy hour時份就會有好多外國人，而餐廳啲店員好多都係外國人，成個氛圍都有少少外國feel。2084係西貢入面唯一既素食餐廳，仲要係vegan添，估唔到都有好多人黎食，假日既話絕對建議book定位先。打開instagram見到人人都食Peking Tacos，咁當然要試啦。鴨肉用左秀珍菇去代替，味道好濃，連埋塊餅一齊食就啱啱好。每一件都做到bite size咁，唔洗怕食到冇哂儀態。根據wikipedia既資料，Meatballs with Smoked Harissa既「harissa」係一種辣椒醬，成份包括紅辣椒、蒜頭同香草。個醬辣得黎又有少少甜味，唔知係咪落左啲蕃茄呢。啲meatball應該係用左菇同豆之類blend成，意想不到地有少少彈牙口感，唔會好似一團粉咁。個醬咁好味，如果可以配個飯就正喇。Rajistani Sausage Curry係非洲既咖喱，同meatball個醬比就辣多少少，香料味好濃，好適合用黎配薄
打開instagram見到人人都食Peking Tacos，咁當然要試啦。鴨肉用左秀珍菇去代替，味道好濃，連埋塊餅一齊食就啱啱好。每一件都做到bite size咁，唔洗怕食到冇哂儀態。
根據wikipedia既資料，Meatballs with Smoked Harissa既「harissa」係一種辣椒醬，成份包括紅辣椒、蒜頭同香草。個醬辣得黎又有少少甜味，唔知係咪落左啲蕃茄呢。啲meatball應該係用左菇同豆之類blend成，意想不到地有少少彈牙口感，唔會好似一團粉咁。個醬咁好味，如果可以配個飯就正喇。
Rajistani Sausage Curry係非洲既咖喱，同meatball個醬比就辣多少少，香料味好濃，好適合用黎配薄餅。啲腸仔既口感都幾好，比平時中式素肉出色得多。
食飽飯一定要食甜品，依度既Tiramisu似係raw cake。大家唔好expect佢有一般tiramisu既綿滑口感，始終raw cake係比較nutty，有少少粒粒咁，但味道方面真係唔錯，可以試下。
依度個環境好chill，啲staff都好nice，會同客人講下笑咁，好鐘意依種vibe，黎開西貢既話一定要黎感受下依度既氣氛。
張貼
