雲記桂林米粉

營業中

休息中

以前去親旅行就會提早搵定當地有啲咩素食餐廳，儲定一大堆餐廳喺袋，去到邊都有得食。依家冇得去旅行，就變左日日喺度碌foodpanda同Deliveroo，發掘喺啲餐廳會唔會有隱藏素食。今次就比我地搵到依間雲記桂林米粉有素食。除左個齋米粉外，都仲有好多小食係素食，絕對vegan friendly。涼拌齋米粉份量大，配料亦都足料，有生菜、木耳、荀、酸豆角同花生，基本上淨係食依啲配料都已經好夠，唔洗再加其他料，辣辣地都好惹味。另外仲點左涼拌腐竹同涼拌藕片，原來腐竹係有青瓜，我自己麻麻地青瓜，所以對佢有少少偏見。藕片都幾爽脆，兩款既辣度都幾高，食到要係咁飲野，下次要叫少辣先得。叫外賣雖然方便，但就製造左好多垃圾。做個負責任既人，食完洗返乾淨啲野拎去回收，為環保出返啲力啦。