影片
更多
2021-04-28
341 瀏覽
日式素食店唔多，喺香港除左灣仔既居素屋就好似冇，所以見到mikiki開左依間日式素食料理就即刻好想試。去果陣都仲係新張期間，唔算多人，我地7點左右就到左，點知啲主食已經賣淨一款，而甜品亦都只剩返有蛋奶既款式。可能新開張未掌握到個食材數量，我地本身想試新豬肉豬扒，結果變左兩個都係食素雞肉。富士山定食包括四款前菜、一款主菜同埋飯。啲前菜細細份，色彩繽紛咁，睇到都覺得開胃。粟米湯稍為唔多夠熱，野菜福袋唔錯，啱我依啲鐘意食腐皮既人。飯以富士山既造型上碟，下層用左碟豆花黎染色，賣相好特別。啲雞肉似係喺Green Common買得到既heura植物雞肉，個口感都幾似雞。另一個套餐係素鍋麵定食，可以揀兩款前菜。個麵啲麵條好粗，唔知係咪傳統日本野黎架呢，食落有啲似刀削麵。佢配左四款唔同味既味噌比人加落碗麵食，但個份量偏少，唔係好試到啲味。見啲特飲用oat milk整，就加錢叫黎試下，點知店員話返我地知特飲上面啲cream唔係vegan，結果要走cream...早知飲返普通茶仲好啦。Vegan甜品冇哂，店員都好好問我地會唔會打包份冬甩比屋企人食。不過做vegan都係唔想動物受苦，比屋企人食完咪又係要傷害
富士山定食包括四款前菜、一款主菜同埋飯。啲前菜細細份，色彩繽紛咁，睇到都覺得開胃。粟米湯稍為唔多夠熱，野菜福袋唔錯，啱我依啲鐘意食腐皮既人。
飯以富士山既造型上碟，下層用左碟豆花黎染色，賣相好特別。啲雞肉似係喺Green Common買得到既heura植物雞肉，個口感都幾似雞。
另一個套餐係素鍋麵定食，可以揀兩款前菜。
個麵啲麵條好粗，唔知係咪傳統日本野黎架呢，食落有啲似刀削麵。佢配左四款唔同味既味噌比人加落碗麵食，但個份量偏少，唔係好試到啲味。
見啲特飲用oat milk整，就加錢叫黎試下，點知店員話返我地知特飲上面啲cream唔係vegan，結果要走cream...早知飲返普通茶仲好啦。
Vegan甜品冇哂，店員都好好問我地會唔會打包份冬甩比屋企人食。不過做vegan都係唔想動物受苦，比屋企人食完咪又係要傷害動物，所以我地都婉拒左。最後店員送左兩包花茶比冇甜品食既我地，都幾貼心。畢竟開業冇耐，好多野都仲要改善，希望下次再黎既時候會見到佢地既進步啦。
張貼
