影片
更多
2021-02-26
791 瀏覽
成年冇去過旅行，已經唔記得左去旅行係咩感覺...難得放假就搭船當搭飛機，去愉景灣當去左外國。成個愉景灣差唔多9成都係外國人，都有去左外國既感覺既...一場黎到，一定要去Hemingway's By The Bay食餐好！Hemingway's既老闆因為關注海洋生態，喺幾年前將餐廳搖身一邊成為素食餐廳，過左排仲go埋vegan，連蛋奶都冇，做得好徹底。Hemingway's啲野食好大份，叫兩個main都驚會食唔哂。點知叫pizza果陣店員話餐廳冇哂13吋既pizza dough，得返9吋既pizza dough，問我地介唔介意。咁我地當然唔介意啦，唔洗擔心食唔哂，仲可以按量收平啲，一舉兩得。菠菜芝士薄餅 Spinach & Feta Pizza用料夠哂多，鋪滿哂成個pizza。餅底係薄批，冇厚批咁滯。啲菠菜同蕃茄夠哂fresh，加埋兩款daiya素芝士，夾得幾好。除左pizza同burger，依度都有啲東南亞菜式。檳城喇沙 Penang Laksa夠哂大碗，而且有好多材料，有豆卜、素肉丸、素火腿同菜心。喇沙湯底有好少辣味，如果再辣啲會惹味啲。Hemingway's既Drink Menu都
Hemingway's啲野食好大份，叫兩個main都驚會食唔哂。點知叫pizza果陣店員話餐廳冇哂13吋既pizza dough，得返9吋既pizza dough，問我地介唔介意。咁我地當然唔介意啦，唔洗擔心食唔哂，仲可以按量收平啲，一舉兩得。菠菜芝士薄餅 Spinach & Feta Pizza用料夠哂多，鋪滿哂成個pizza。餅底係薄批，冇厚批咁滯。啲菠菜同蕃茄夠哂fresh，加埋兩款daiya素芝士，夾得幾好。
除左pizza同burger，依度都有啲東南亞菜式。檳城喇沙 Penang Laksa夠哂大碗，而且有好多材料，有豆卜、素肉丸、素火腿同菜心。喇沙湯底有好少辣味，如果再辣啲會惹味啲。
Hemingway's既Drink Menu都幾多野揀，雖然唔太好酒，但都叫杯Mango Mojito試下啦。值得一讚係佢地連酒都有做哂research，mark埋邊啲酒係vegan。可能有人會問，點解酒會唔係素，又冇肉。其實係濾酒既過程，有啲生產商會用到魚膠或者明膠，但其實依家都有readily available既植物性澄清劑，令到酒可以100% vegan。
之前黎果陣食夠指定金額可以換船飛返中環，但唔知係個計劃stop左定係唔applicable to weekdays，我地去到個換領站發現佢係閂左門既...大家黎之前記得check清楚。
張貼
