影片
更多
2021-05-27
1518 瀏覽
中環既打工仔就算本身唔係素食者都應該有聽過／食過福祿壽。以中環黎講，一個外賣三餸飯連湯只需要$31真係平到傻左，而堂食都只係加多幾蚊。每日有13個餸揀，而依啲餸每日都會轉，就算一星期食足5日都可以日日食到唔同餸。有時會見到人去買淨餸，夜晚就可以加餸煮少樣。唯一唔好處就係用發泡膠，如果可以轉紙盒就好，不過都見過有人自備盒黎買飯，環保人士都可以試下自備盒。素鴨係必點既，佢地有時係芝麻北京素鴨，有時係梅子汁素鴨，仲有椒鹽紫菜素鴨，淨係一樣素鴨都已經有咁多唔同煮法，每款各有特色，而且都係好食。另外有幾樣餸既出現頻率比較低，但每次見到都必食，好似係三參素雞翼、鮮竹卷同素乳豬，個素雞翼真係好好味。由於福祿壽唔係純素，所以都會有啲有蛋既菜式，vegan朋友要注意。佢地啲湯都好足料，飲落冇乜味精味，都值得一試。如果唔係特別鐘意飲湯，就可以叫兩餸飯，又慳多幾蚊。唔知大家有冇邊啲心水餸菜推介呢？
素鴨係必點既，佢地有時係芝麻北京素鴨，有時係梅子汁素鴨，仲有椒鹽紫菜素鴨，淨係一樣素鴨都已經有咁多唔同煮法，每款各有特色，而且都係好食。
另外有幾樣餸既出現頻率比較低，但每次見到都必食，好似係三參素雞翼、鮮竹卷同素乳豬，個素雞翼真係好好味。由於福祿壽唔係純素，所以都會有啲有蛋既菜式，vegan朋友要注意。佢地啲湯都好足料，飲落冇乜味精味，都值得一試。如果唔係特別鐘意飲湯，就可以叫兩餸飯，又慳多幾蚊。
唔知大家有冇邊啲心水餸菜推介呢？
張貼
