影片
更多
2020-06-18
4245 瀏覽
寶彩軒平日下晝係做素食三餸飯，夜晚就會化身成私房菜，啲菜式比午餐華麗好多，當然價錢都會華麗好多啦。8道菜每位$350，另加菜錢$12同加一，每位埋單都要$400架，一齊黎睇下依$400值唔值啦！先黎四道前菜，如果多人黎既話就會有更多款式，圖中係二人份量。每樣味道都唔錯，尤其個蕃茄仔好開胃。不過要注意原來個准山用左蜂蜜整，所以唔係vegan的，真係百密一疏。依個燉湯超正！用左好多靚料，燉出黎既湯味道好濃郁，比起用肉煲既湯實在過之而無不及。曲奇鮮竹做得好精緻，好香黑松露味，上面仲鋪左啲芝麻同夏威夷果仁碎，增加口感。嘩依個叉燒不得了呀！一舊用豆製品做既素叉燒竟然可以做到燶邊同半肥瘦既效果，真係大開眼界。依一碟望落以為係竹筍，原來係竹蔗苗。平時竹蔗一般都係用黎搾汁，估唔到佢地既苗係可以用黎做餸，而且仲幾清甜。咖喱卷既咖喱係依度自己調配既，用埋左薑黃粉去做。啲綠色既醬係用wasabi做既，一定要點埋黎食先唔會浪費。木瓜用黎做木瓜糖水就見得多，攞黎焗就真係第一次。本瓜上唧滿左依度自家調製既沙律醬，焗完之後變左半透明，賣相吸引，味道同微香既木瓜都好夾。薏仁麵冇影到就撈勻左，用料唔算特別，不過都幾香。
先黎四道前菜，如果多人黎既話就會有更多款式，圖中係二人份量。每樣味道都唔錯，尤其個蕃茄仔好開胃。不過要注意原來個准山用左蜂蜜整，所以唔係vegan的，真係百密一疏。
依個燉湯超正！用左好多靚料，燉出黎既湯味道好濃郁，比起用肉煲既湯實在過之而無不及。
曲奇鮮竹做得好精緻，好香黑松露味，上面仲鋪左啲芝麻同夏威夷果仁碎，增加口感。
嘩依個叉燒不得了呀！一舊用豆製品做既素叉燒竟然可以做到燶邊同半肥瘦既效果，真係大開眼界。
依一碟望落以為係竹筍，原來係竹蔗苗。平時竹蔗一般都係用黎搾汁，估唔到佢地既苗係可以用黎做餸，而且仲幾清甜。
咖喱卷既咖喱係依度自己調配既，用埋左薑黃粉去做。啲綠色既醬係用wasabi做既，一定要點埋黎食先唔會浪費。
木瓜用黎做木瓜糖水就見得多，攞黎焗就真係第一次。本瓜上唧滿左依度自家調製既沙律醬，焗完之後變左半透明，賣相吸引，味道同微香既木瓜都好夾。
薏仁麵冇影到就撈勻左，用料唔算特別，不過都幾香。配埋佢地自製既辣椒醬，夠哂惹味。但食到依到其實真係已超飽，所以只係淺嚐左少少，然後就打包左返屋企。因為一早知私房菜九成都係會飽到上心口，所以一早帶定左個盒黎，為環保出一分力。
最後上埋甜品，腰果露好濃郁，而且好滑唔會有粒粒，甜度又適中，做得幾好。
店家可能都知大家會食到好飽，所以食到中段果陣拎左個紅石榴酵素令我地易啲消化，飲完仲可以refill，服務週到。依度既餐牌每個月都唔同，經理仲打趣叫我地每個月黎一次。$400一次雖然對我地黎講係有少少貴，不過論返食物質素環境同服務，其實係物有所值，大家想試下私房菜都可以黎呀。
張貼
