影片
更多
2020-12-09
1318 瀏覽
唔少素食既朋友都話食左素之後變得好鐘意食印度菜，我個人就麻麻地，雖然印度菜好多素食，但大部分都係奶素，唔係好啱我口味。VEDA唔係純印度菜，比較似fusion，之前望過menu見大部分都唔係vegan，所以一路都冇特別想去試。後來得知11月佢地推出左vegan menu，咁難得就去試下啦。一個set有四個course，睇落都幾多，以為係二人餐，所以淨係點左一set。點知職員話原來一set係一人份量，問我地會唔會再點多啲。睇返佢個a la carte menu，大部分野都係non-vegan，而係vegan果啲又已經喺vegan menu到揀左，所以最後就咁喺vegan menu到揀多一個甜品就算。Smashed Falafel Salad有牛油果、沙律菜、同埋falafel，即係鷹嘴豆丸子，係用鷹嘴豆泥同蔬菜搓成既丸子。味道普普通通，唔算特別。Cashew Naan Pizza唔算細個，都分到6件。見到依個pizza，我更加唔明點解個set會話係for one，如果一個人食，食完個salad同個pizza應該都飽左7成。個pizza上面見唔到原粒腰果，應該係打攔左黎整個醬，個pizza
一個set有四個course，睇落都幾多，以為係二人餐，所以淨係點左一set。點知職員話原來一set係一人份量，問我地會唔會再點多啲。
睇返佢個a la carte menu，大部分野都係non-vegan，而係vegan果啲又已經喺vegan menu到揀左，所以最後就咁喺vegan menu到揀多一個甜品就算。
Smashed Falafel Salad有牛油果、沙律菜、同埋falafel，即係鷹嘴豆丸子，係用鷹嘴豆泥同蔬菜搓成既丸子。味道普普通通，唔算特別。
Cashew Naan Pizza唔算細個，都分到6件。見到依個pizza，我更加唔明點解個set會話係for one，如果一個人食，食完個salad同個pizza應該都飽左7成。個pizza上面見唔到原粒腰果，應該係打攔左黎整個醬，個pizza食落係甜甜地，都幾得意。
睇menu果陣keep住要google，因為有啲dishes睇完個名都估唔到佢係乜，依個Aloo Gobi就係其中一個例子。多得google大神，先知依道菜原來即係咖喱薯仔椰菜花。個咖喱唔係平時食開既印度咖喱味道，整體都係偏甜，唔覺得辣。椰菜花夠稔，又好juicy，薯仔都整得唔錯。
食完個main都已經飽，但仲有兩個甜品等緊我地。Coconut Banana Pie既批底係用nuts整既，而個糕身應該都有腰果成份，所以依件cake真係超級飽肚，直情頂到上心口。
Tofu Chai Brulee想模仿Cream Brulee，但焦糖底下既pudding質地好稀，有啲失望。印度拉茶味都幾重，唔好當佢cream brulee，當係另一款全新甜品可能會覺得開心啲。
上網book位時有得揀occasion，手多剔左birthday，結果除左件cake寫左happy birthday，職員送上時仲會唱生日歌。如果自問唔鐘意成為焦點就唔好多手亂剔。另外，本身以為酒店入面既餐廳可以好好enjoy，但估唔到原來都有限時，食飯時要係咁望錶睇下仲有幾耐，食得唔算開懷。總括黎講，依度既食物唔係好啱我口味，而且如果唔係vegan month，選擇就會更少，短期內都未必會再黎幫襯。
張貼
