同德素食

營業中

休息中

作為一個半途出家食素既人，偶爾都會諗返起未食素果陣食過既野，仲會諗如果有素食版可以重溫一下兒時味道就好。其中一樣會心思思諗起既就係炸雞，尤其睇韓劇見到啲主角食炸家食到lam lam脷既樣，就會更加心癢癢。雖然之前KFC出左素炸雞，但由於啲素炸雞係同真雞一齊炸，令到唔少素食者卻步。但依家有好消息！香港有素食店做出像真度爆燈既素炸雞！依個燕麥素炸雞既造型好厲害，唔講真係以為佢係KFC既炸雞相比就咁上粉漿去炸，鋪左啲燕麥喺面增加左塊皮既厚度，更加卜卜脆。香脆既外皮入面包住既係腐皮，軟滑既口感同層皮有鮮明既對比。舊炸雞本身冇乜味，但配埋個酸甜而微辣既醬就啱啱好。一籃有4件，食左3件都已經好飽，絕對抵食。不得不提埋個磨菇飯。平時KFC既蘑菇飯好似係有雞粉之類既，所以唔適合素食人士。依個素蘑菇飯係完全複製左KFC個味，黑椒蘑菇汁好香，餸飯一流。啲人成日話素食好dry，十年前可能係既，但隨住素食人口增加，越黎越多人發明唔同既新款素食，令到我地可以大飽口福。素食已經唔再係一種犠牲，而係對環境同動物都好既享受。