包販子 (已結業)

包販子係一間好有心既餐廳，雖然本身唔係素食餐廳，但都會有一個純素餐牌，而且仲會有唔同款式。叫得包販子，咁就緊係要賣大包啦！當日有三款素包，包括Green Bao、麻婆豆腐Bao同Beyond Burger。三個選項得Beyond Burger有得配薯條，所以就揀左佢。個burger除左塊Beyond Meat之外，仲有純素芝士、大啡菇同蕉糖洋蔥。食落覺得同平時喺Green Common食既burger冇乜大分別，反而朋友話麻婆豆腐味好有驚喜。下次再去要試返佢地獨家口味先得！除左包之外仲有無奶既純素雪糕，綠茶口味同栗子口味之間我揀左栗子，結果估佢唔到地係會有幾粒栗子喺入面。個雪糕好creamy，一定會改變大家對素食既睇法。喺一間肉食餐廳食到純素菜式真係好開心，如果有多啲餐廳肯咁做，相信一定會吸引到好多人黎食野。