影片
更多
2020-12-14
924 瀏覽
食完晚餐唔係好夠喉，要食埋甜品先得。夜晚想喺市區食到vegan蛋糕，第一間喺腦中閃過既一定係喺K11 Musea既Infiniti C。每次黎到都會有大概2-3款vegan蛋糕，之前食過vegan版Viennetta既Royal Classic Nice Cream、Matcha Cake同埋Yuzu Hojicah Cake，今次黎到冇依三款既踪影，取而代之係Black Sesame Cake同埋Ujikintoki Cake。本來清香既柚子焙茶蛋糕係我既至愛，但喺試過黑芝麻蛋糕之後，我已經馬上移情別戀。黑芝麻味非常香濃，直情好似食緊麻蓉包咁，但佢既質地就輕身好多，食多多都唔會覺得好漏。宇治金時蛋糕係新口味，相對抹茶蛋糕，佢既抹茶味比較易入口，如果唔係抹茶super fans既話，依款會啱食啲。不過紅豆就稍為偏甜左少少，如果可以輕手返啲就更好。之前都講過，好多vegan cake都會偏濕同比較重，但Infiniti C既vegan cake就冇依個問題，同一般non-vegan cake冇分別。如果想比非食素既朋友試下vegan cake，絕對建議先比佢地試Infiniti C既出品
本來清香既柚子焙茶蛋糕係我既至愛，但喺試過黑芝麻蛋糕之後，我已經馬上移情別戀。黑芝麻味非常香濃，直情好似食緊麻蓉包咁，但佢既質地就輕身好多，食多多都唔會覺得好漏。
宇治金時蛋糕係新口味，相對抹茶蛋糕，佢既抹茶味比較易入口，如果唔係抹茶super fans既話，依款會啱食啲。不過紅豆就稍為偏甜左少少，如果可以輕手返啲就更好。
之前都講過，好多vegan cake都會偏濕同比較重，但Infiniti C既vegan cake就冇依個問題，同一般non-vegan cake冇分別。如果想比非食素既朋友試下vegan cake，絕對建議先比佢地試Infiniti C既出品，包保佢地分唔到。
張貼
