初芋 (已結業)

這間甜品店由佢一開業已經有留意，因為成間都是我最愛的紫色好吸引，今晚食完飯想食下甜品，所以就黎試試!餐廳有個非常適合打卡的芋圓甜品，是2人份量的，但因為朋友有點飽的關係，所以最後就沒有選這個了!台式芋圓X港式糖水，這裡的芋圓，糖水底和配料都可以揀!原本想試下楊枝甘露糖水底，可惜當晚賣完，所以就試了椰皇鮮奶露底!糖水底味道不會好甜，好香椰奶味!入面的配料我揀選了檸檬茶凍、荔枝、椰果和仙草!芋圓是三色芋圓，有香芋、番薯和紫薯味，口感煙煙韌韌!而檸檬茶凍味道酸酸味味，仙草口感好滑，好特別!甘桃之味，除了芋圓，我們還吃了桃膠系列，而我這款糖水用上龍眼花旗蔘做糖水底，味道甘甜!桃膠滑嘟嘟，整體味道不錯!夏日傾情，這杯夏日傾情是一杯乳酸梳打，帶有桃味及橙味，味道特別!可可奇脆冰雪，這杯飲品好香朱古力味，而且內裡有不少朱古力脆脆，口感十足!