Purple Cafe (已結業)

酒吧街尾有一間打卡cafe呢間紫色既cafe我bookmark左今日終於食到外面紫色嘅外觀唔算顯眼、但內裏真係好靚一入門口有個千秋嘅打卡位、真係女孩子必打卡位置，舖頭好多嘅紫色，仲有好多花花，連天花板都佈滿咗紫色嘅花做裝飾，連聖誕樹都係紫色㗎。今次想試吓啲意粉，當然唔少得我最鍾意嘅蟹柳明太子意粉啦🍝我想講佢個明太子意粉真係勁香，仲要好多嘅蟹柳，每一啖都食到好爽口嘅蟹籽。忍唔住比平時食得多，因為佢真係好食😋另一個意粉叫咗大蝦蕃茄意粉🍝佢嚟到都好夠熱，而且好香。如果食咗明太子先我會覺得佢有啲比較，因為個人比較喜歡明太子，但其實佢係好濃郁嘅蕃茄味，仲有兩隻蝦。飲品方面當然要飲佢推介嘅人氣之選❤️‍🔥蔚藍星空雪，個賣相好似雲一樣，係好靚嘅。而味道方面佢係椰子味，好濃郁嘅椰子味，味道唔錯。鍾意飲紫薯嘅我當然叫紫薯波波鮮奶，佢係紫薯鮮奶再加咗椰果。佢嘅椰果份量好多，而且唔會好甜，因為佢係鮮奶來講紫薯就會冇咁濃，比較清新既味。相對於其他Cafe意粉都要呢啲價錢嘅時候，我會覺得佢呢間好合理，因為佢嘅意粉真係好大份。