Maki拉麵 (已搬遷) 新店位置

拉麵店人流好旺，等位時，見到期間限定是芫茜濃雞湯拉麵，當然必食啦。芫茜拉麵放了勁多芫茜而且湯底是用芫茜打成溶，勁綠勁濃郁，真係好香芫茜味。拉麵麵質彈牙爽口义燒好厚身，而且有燒過，面有小小燶，食時特別香口。期間限定有個小驚喜，就是隻溏心蛋，雞蛋是漸變的紫色，真係好靚，而溏心蛋的蛋黃顏色係好橙。雞蛋白好滑，雞蛋黃好香，真係又靚又好味。黑蒜油豬骨拉麵，追加了紫菜，原來追加是塊勁大片的紫菜，這是另一驚喜。黑蒜油好香，而麵是幼麵，同樣彈牙，但麵質感覺不一樣，加上勁多黑木耳，同麵一齊食，爽口美味。