影片
更多
2009-04-11
34 瀏覽
宵夜原本想去南記食返碗春卷墨丸米, 點知11點鬆啲就話last order, 老公工作未完又未走得, 唯有放棄南記啦! 等多一陣, 老公搞掂手頭上工作後就立即嚟搵我, 咁夜又唔想周圍行, 所以就腳近近地去文輝食宵夜。其實我一向都鍾意食佢哋啲紫菜四寶米, 湯底淡淡地, 碗米粉又清又少油, 食完一大碗都唔覺膩滯。紫菜OK啦, 好似無以前咁爽, 同埋份量少咗。但墨丸依然好好食, 好鮮好彈牙, 我覺得仲好食過元朗嘉麗園。 魚皮餃亦唔錯, 豬肉丸魚旦同魚片都好味, 不過魚片唔知點解一啲都唔彈, 口感有啲奇怪。價錢越來越貴, $26一碗唔算平。另再點多一杯凍豆漿, 都幾好飲, 唔太甜, 一口氣飲咗半杯, 口渴嘛! 多謝老公琴晚唔食都陪我食 。Happy Easter
等多一陣, 老公搞掂手頭上工作後就立即嚟搵我, 咁夜又唔想周圍行, 所以就腳近近地去文輝食宵夜。
其實我一向都鍾意食佢哋啲紫菜四寶米, 湯底淡淡地, 碗米粉又清又少油, 食完一大碗都唔覺膩滯。
紫菜OK啦, 好似無以前咁爽, 同埋份量少咗。
但墨丸依然好好食, 好鮮好彈牙, 我覺得仲好食過元朗嘉麗園。
魚皮餃亦唔錯, 豬肉丸魚旦同魚片都好味, 不過魚片唔知點解一啲都唔彈, 口感有啲奇怪。
價錢越來越貴, $26一碗唔算平。另再點多一杯凍豆漿, 都幾好飲, 唔太甜, 一口氣飲咗半杯, 口渴嘛!
多謝老公琴晚唔食都陪我食 。Happy Easter
張貼