文輝墨魚丸大王

營業中

休息中

之前來過一次，果次就唔使等位，不過今次就等咗五六分鐘，不過個個都係呢時候返工喇，食早餐肯定都係逼埋一齊喇，最後同個阿伯孖臺，我嘅紫菜八寶湯，我細妹嘅紫菜墨魚丸粉，兩樣都幾大份下，望住就有一種好飽嘅感覺。不過食果陣好唔舒服，因為個位太窄喇，成日都會碰到隔壁嘅人，不過好彩八寶湯嘅好味道安慰番我，湯好清甜，一D味精味都無，我最鐘意就係食麵果時飲D麵湯，不過有時飲完渴到要死，因為太多味精喇，呢個就唔會有呢D事發生。紫菜好好食，墨魚蛋好正！爽口彈牙，一D都唔覺得有乜麵粉，全部都係墨魚嘅味，其它幾樣嘢就一般喇，推薦紫菜墨魚丸。