Selfit salad station (已結業)

今日同朋友出發去睇海賊王展覽之前，我地去食個午餐填飽個肚先，呢間主打健康食品，店鋪得幾張座位，大部分人都係外賣多。我叫左個焦糖蘋果啖啖紫薯牛角包 HKD28，呢個紫薯牛角包簡直無敵，已經非常足料，CP值都幾高。個包勁多紫薯蓉，直頭多到滿瀉，非常足料。焦糖蘋果甜甜地 好好味，同紫薯好夾，個牛角包好香脆，入面有勁多紫薯忌廉，但味道唔夠突出，食多幾啖都有d濟。而朋友就叫左份黑松露忌廉蟹肉意大利麵，我都試左幾啖覺得個汁好香濃，亦有唔少蟹肉，啖啖黑松露味，基本上配咩都會變得更好味。