影片
港鐵上環站 E1 出口, 步行約3分鐘
繼續閱讀
營業時間
星期一至五
07:30 - 18:30
星期六
07:30 - 17:00
星期日
全日休息
公眾假期
全日休息
以上資料只供參考, 請與餐廳確認詳情
食家推介
我係呢間小店既常客 但上次再去 見到佢地貼左張紙話會係9月3號結業 真係好驚訝 又有d唔開心 最愛既食店之一竟然唔做好可惜 呢間無論食物質素 價錢都好合我心意 係呢區黎講真係算平香辣白酒蜆肉意粉$55 (包飲品)蜆肉份量唔小 而且一向都好鐘意佢地意粉既軟硬度 唔會淋zizi 成個意粉個汁蜆味好出 唔會得個辣字墨西哥雞翼$32 (4隻)突然好想食雞翼 又到左下午茶時間 就要多左個雞翼 真係俾呢個雞翼100分👍🏼👍🏼真係好正好惹味32蚊4隻好抵食 係出面食起碼40-50幾蚊 呢個仲有杯野飲 但個lunch已經要左杯野飲 所以呢個要左個茶包 留番下次自己沖*小店係香港真係難以生存 好可惜 真係好希望佢地可以快d開番 我一定會黎支持💪🏼
繼續閱讀
早上差不多十一點來到，只有一位客人，星期六還有早餐，不過還是想試招牌紫薯牛角包（$28）。等了大約五分鐘便送到，可能剛開店，兩名員工都忙著，送上牛角包的阿姨手上的水都滴到盛著牛角包的食物兜上，幸好沒有滴到食物上。賣相是很吸引的，紫薯上是焦糖蘋果粒，下面則是混合紫薯粒的忌廉。牛角包微暖鬆脆，牛油味不重，可惜紫薯是凍的，有點硬，或者因為本身紫薯餡是沙律的一種吧。紫薯不算甜，覺得是無添加的效果，配上忌廉和蘋果粒就剛好。整體來說，這是可以一試的牛角包，不過嗜甜的朋友就要考慮一下了。
繼續閱讀
有一排冇黎，見到下午茶有新menu, 梗係要試下Menu 有幾款牛乳炒蛋，但見到紫薯都係忍唔住要揀佢，今次係紫薯菠蘿三文治，新野喎，食牛角包食到悶悶地，就轉option。其實見名已經估到份量幾多。加$18有乳酪杯，只睇名唔知有咩成份，冒險精神又試下三文治：見橫切面就知薯泥超多，其實佢既紫薯泥係確實原個壓成蓉，不加太多調味，但攪到落一大pat食既時候會好乾同滯，加菠蘿有濕潤效果，味道又唔會變得奇怪。另外，面包好脆，堅有誠意既烘底。一個人食哂已經好飽！乳酪杯：好大杯，中間加左好多無花果蓉醬（係堅多），又有菠蘿粒，好彩乳酪係近似plain無糖個種，因為果醬本身已經幾甜。超警喜，跟餐加$18可以有咁高質既乳酪食。熱咖啡：普通即磨，冇特別
繼續閱讀
今日同朋友出發去睇海賊王展覽之前，我地去食個午餐填飽個肚先，呢間主打健康食品，店鋪得幾張座位，大部分人都係外賣多。我叫左個焦糖蘋果啖啖紫薯牛角包 HKD28，呢個紫薯牛角包簡直無敵，已經非常足料，CP值都幾高。個包勁多紫薯蓉，直頭多到滿瀉，非常足料。焦糖蘋果甜甜地 好好味，同紫薯好夾，個牛角包好香脆，入面有勁多紫薯忌廉，但味道唔夠突出，食多幾啖都有d濟。而朋友就叫左份黑松露忌廉蟹肉意大利麵，我都試左幾啖覺得個汁好香濃，亦有唔少蟹肉，啖啖黑松露味，基本上配咩都會變得更好味。
繼續閱讀
是日在中環食團年飯，下午就過了中環行街，行到餓就找點野食醫肚，唔想食甘飽，就去了間沙律店。。店內沙律bar有很多材料供應，色彩繽紛，增加了食慾。食沙律最梗要係材料夠新鮮。。我自選了羅馬菜。南瓜。蒜蓉包粒。洋蔥。店員特別推介南瓜。很甜，軟稔稔，煮的時間剛剛好! 店員介紹的蜜糖芥末果然不錯，是fat free，感覺非常健康，醬料的份量也很恰當。。黑松露risotto香濃的risotto，帶有黑松露的味道，味道濃郁，加上蘑菇的碎粒，增加了口感，不錯!焦糖蘋果紫薯牛角包店員可把面包加熱，令面包較脆，較有口感，面包材料份量十足，包括焦糖蘋果紫薯。。材料配搭得宜，食落不會感覺太乾身，令包的味道提升了不少!原來店舖還有即叫即炒的意粉，下次經過不妨可以試試啊
繼續閱讀