皇室盛宴 (已結業)

尋日午膳黎左呢間私房菜，係118號3樓。事緣係lift 見到呢間做緊每份套餐減$20，決定一試。餐廳裝潢不錯，白色牆身，坐下來感覺很舒適，沒有中環個種食個晏都要趕住走種感覺。餐牌有六款選擇，意粉、意大利飯、鱸魚、紅椒海虎蝦、牛柳等等。套餐包括湯、沙律、主菜及飲品，價錢由$88 - $138，收費唔算貴。沙律菜好味，落左黑醋味道甜甜地，合理水準，不錯的開胃前菜。個湯有驚喜，紫色既湯好少見，原來係紫薯湯。第一次試紫薯湯，起初感覺有點像吃紫薯糖水，甜得來又帶些少松露味，松露與紫薯混合後又幾夾，味道唔錯，夠特別！主菜係深海鱸魚伴南瓜汁，賣相好靚。鱸魚係用新鮮魚，味道方面有水準，用南瓜汁食魚都是第一次，皮脆香口，肉質保持油份，入口嫩滑，同時又唔會太油膩，好味。配菜就有時疏，用蒜蓉炒過好香好好味，有點中西合壁的感覺。餐茶點了熱情果茶，另外有伯爵茶，橙汁，可樂等等可供選擇。