鮮芋仙 (已結業)

台灣人氣過江龍芋圓甜品店「鮮芋仙」，終於喺大埔開咗，每次經過都見好多人等。上次買咗外賣，今次終於等到堂食。堂食就梗係要食佢哋嘅牛奶冰啦！喺收銀機前就見到【期間限定】紫薯系列嘅「紫薯牛奶冰」平時就鍾意食紫番薯，再加埋牛奶冰、一定要試呀！個紫薯牛奶冰就冇海報睇到咁靚，有啲粗獷嘅感覺，仲有唔知點解我覺得好大份呀！兩個女仔都未必食得晒。牛奶冰入口即化，冰上面鋪上綿密的紫薯泥，每口牛奶冰都混合咗紫薯香。其實我最鍾意就係搭配嘅招牌Q麻糬、迷你小芋圓及白玉，口感軟糯Q彈，再加上帶有淡淡冬瓜茶香的冬瓜凍。不過個雞蛋布丁就有啲失色，冇咩口感同味道，唔知係咪其他配料太出色😆整體來講，呢個「紫薯牛奶冰」，極豐富嘅配料、多重口感，足夠令你回味無窮！