影片
更多
2015-08-05
713 瀏覽
之前睇其他網站介紹見到呢間小店主打紫薯雪糕甜品因為我好中意食紫薯/番薯, 所以一直都好想嚟試呢日終於有時間去食, 發覺間舖都幾隱閉下, 外面via tokyo同isee isee好多人, 呢間縮入小巷入面, 難怪會比較冷清舖仔細細, 但裝修佈置都幾有心思入到去見到有兩個職員同兩個客 (走嘅時候有多幾個客人入嚟)一個職員負責收錢, 另一個負責整雪糕入去時收錢果個掛住按手機, 不過見我行埋去都好主動俾個menu我睇整雪糕果個都幾親切, 整體嚟講服務態度唔錯我揀左番薯三兄弟($40), 有紫薯雪糕+紫薯+紫薯蓉+脆米, 全方位滿足我食紫薯的願望!比我想像中大杯, 而且紫色好靚!雪糕入口質感幼滑, 唔會好水, 而且食得出有d沙沙地, 因為真係加左番薯撈埋香脆嘅脆米同軟糯嘅紫薯蓉一齊食, 又脆又滑嘅多重口感, 比起單食雪糕更加正雖然雪糕顏色好紫, 但食落好淡, 冇乜紫薯味紫薯就比較細粒...我一向中意留返最珍貴最好味果樣野最後食, 今次就留返粒紫薯, 一食, 覺得好香軟清甜!亦都凸顯左呢杯雪糕好淡, 唔夠甜嘅問題! 一粒紫薯已經甜過晒d雪糕同紫薯蓉!另一個問題就係, 雖然d雪糕唔會好水, 但都溶
因為我好中意食紫薯/番薯, 所以一直都好想嚟試
呢日終於有時間去食, 發覺間舖都幾隱閉下,
外面via tokyo同isee isee好多人,
呢間縮入小巷入面, 難怪會比較冷清
舖仔細細, 但裝修佈置都幾有心思
入到去見到有兩個職員同兩個客 (走嘅時候有多幾個客人入嚟)
一個職員負責收錢, 另一個負責整雪糕
入去時收錢果個掛住按手機, 不過見我行埋去都好主動俾個menu我睇
整雪糕果個都幾親切, 整體嚟講服務態度唔錯
我揀左番薯三兄弟($40), 有紫薯雪糕+紫薯+紫薯蓉+脆米, 全方位滿足我食紫薯的願望!
比我想像中大杯, 而且紫色好靚!
雪糕入口質感幼滑, 唔會好水, 而且食得出有d沙沙地, 因為真係加左番薯
撈埋香脆嘅脆米同軟糯嘅紫薯蓉一齊食, 又脆又滑嘅多重口感, 比起單食雪糕更加正
雖然雪糕顏色好紫, 但食落好淡, 冇乜紫薯味
紫薯就比較細粒...我一向中意留返最珍貴最好味果樣野最後食,
今次就留返粒紫薯, 一食, 覺得好香軟清甜!
亦都凸顯左呢杯雪糕好淡, 唔夠甜嘅問題! 一粒紫薯已經甜過晒d雪糕同紫薯蓉!
另一個問題就係, 雖然d雪糕唔會好水, 但都溶得比較快
今次食完覺得了左個心願, 雖然整體唔錯, 但未必會再專登走嚟食
仲有進步空間, 俾笑臉係想鼓勵下小店!
張貼
