夜櫻 • 居 (已結業)

見到朋友ig食 日本菜餐廳又有得影紫藤花, 好靚呀！經過旺角當然要嚟試下～帶子鮮甜，配埋香濃芝士口感一流！油甘魚肉質細緻甘甜，火炙後油脂發揮得更好～軟殼蟹大隻，炒飯炒得夠乾身，加埋蛋香，夠晒香口！軟殼蟹香脆可口，配上較清淡炒飯味道剛好～定食賣相吸引，有齊沙律、麵豉湯及飯。銀鱈魚要趁熱才好吃，外皮煎得酥脆，經醬油調味後味道小小甜，十分惹味。魚肉肉質嫩滑非常、充滿魚油！油脂香氣在口腔內久久不散～豆腐熱辣辣上枱，粉漿夠薄身。日式豆腐要連埋醬汁、木魚碎一齊食先夠滋味！