Purple Cafe (已結業)

經常見到好多女性朋友喺社交平台po相，都係以紫色為主題嘅Cafe，今日終於都輪到我去探店！店內多個場景都非常出片，身為紫色控嘅我，亦都忍唔住瘋狂拍照！店內飲品選擇亦都好多，而當中比較特別嘅會係芝士系列。我同朋友都鍾意比較清爽嘅口感！所以點左超級水果茶及薄荷檸檬蝶豆花，兩杯飲品都唔會過甜，除咗口感清爽之外，顏色亦都非常吸引，用嚟影相一流！明太子蟹柳意粉～口味非常特別明太子味香濃，再鋪滿加上木魚花，極具和風風味，意粉亦都非常煙韌，口感一流！卡邦尼意粉～芝士味濃嘅卡邦尼意粉，總係西餐廳必備item，醬汁調校得恰到好處，濃稠程度令人滿意。一紅一白成為強烈嘅對比，偏偏顏色又相襯，拼埋一齊好靚❤️擁有好食又吸引嘅賣相，再加埋店裏裝修簡直完美🥰