上海廳 (已結業)

其實上海xx系列一直都有食開，貪佢啲野食細細份可食多幾樣，價錢又唔貴，是晚阿爸話想食酸辣湯就二話不說來了上海廳，比起在家附近的商場店價錢平多了。店有商場內，落左輕鐵行兩步就到，地店不難搵。生煎鍋貼（$35）一客有三隻的煎鍋貼，厚實的外皮包著鮮嫩的肉，咬開勁多肉汁，好燙口的，熱辣辣感覺超正，加上外皮煎得香口，咬落脆卜卜，外脆內軟認真正。黃金四季豆（$65）呢樣阿爸大愛，超香的咸蛋啊！而且下得一點都不吝嗇，每一條四季豆都比大量蛋黃包著。外層乾身，但豆依然濕潤，不會過老。酸辣湯雲吞（$52）為增加飽肚感已選了酸辣湯雲吞，一客有五粒，粒粒都係大大粒的菜肉雲吞，餡料有點鹹味，跟酸辣湯很夾。酸辣湯本身亦調味很不錯，夠酸夠辣但又不會嗆，有不少筍絲，冬菇絲，木耳絲等增加口感，好正。店內客人不少，主要都係區內客，一家大小齊齊食晚飯，不亦樂乎。