串本屋 (已結業)

不嬲都好鍾意日本居酒屋嘅氛圍，今次就同朋友嚟咗近柯士甸站嘅呢間日本居酒屋。餐廳環境細小溫馨，居酒屋常見菜式都一應俱全。黎到居酒屋飲酒就梗係必須啦，我叫咗杯沖繩菠蘿酒梳打，朋友叫咗杯香印提子酒梳打，兩杯味道都唔錯，記得溝勻先好飲，如果唔係只係飲到梳打水嘅味道。收咗工太攰胃口都麻麻哋，所以就唔係嗌澱粉質，叫咗啲小食：雜錦天婦羅、汁煮海螺、雞泡魚乾、燒菠蘿、流心炸蝦球。汁煮海螺有驚喜，個汁味道甜甜地，海螺質地有少少彈性，唔會係霉爛或者唔新鮮嗰種，幾好食。燒菠蘿甜冇渣，正。雜錦天婦羅每一款都好好食，無論係炸蝦、南瓜、冬菇、茄子、番薯，如果一定要揀一樣南瓜係VIP。流心炸蝦球一定要趁熱食，咁樣中間嘅芝士先會有拉絲嘅效果。