Lawry's The Prime Rib (已搬遷) 新店位置

因為生日，所以就揾左呢間有情調既高級扒房餐廳。訂檯時職員會主動問是否慶祝生日，原來餐廳會為客人送上蛋糕及職員會唱生日歌道賀，好細心呢! 餐廳座位寬敞，格調迷人，紅色絲絨梳化非常華麗，而且餐具講究，服務又殷勤有禮。龍蝦湯濃郁，但稍微鹹了一點 。即埸表演製作冰轉沙律最為吸睛，沙律菜新鮮，配搭冰凍既碟和叉，口感更佳。蟹蓋焗得剛好，蟹膏多而香滑。魚肉嫩滑，帶子粒粒脹卜卜，個醬汁更可提升魚及帶子既鮮味。主角出場，有部牛扒烤爐車即埸煮牛扒，簡直係視覺嗅覺雙重享受。12安士牛扒，肥瘦肉均勻，牛肉味香濃，冇得彈。羊架都冇騷味，正。