拉麵達人 (已結業)

每次去既拉麵店 地方都好細 味道卻有意想不到既效果今次同朋友去左間位於佐敦既拉麵店 餐廳裡面大概可以坐到16-18個客人左右我3點到 都坐足9成 好不容易地有兩個位未有人坐之後睇緊menu個時 後面d 客走左 個staff仲好好 問我地洗唔洗坐後面 無咁迫 會舒服d 雖然地方唔太大 但係餐廳有好大既玻璃窗 透到d陽光入黎 都幾舒服!我同朋友簡左 招牌既達人拉麵同"w"達人拉麵 同埋叫左「一口紫芋丸」做小食其實佢仲有個小食套餐 不過我地驚太飽  所以靜係叫左一個小食大約15分鐘到 所有野食都黎齊啦!首先講 "w"達人拉麵一開始睇menu個時 覺得好好奇 點解碗拉麵會叫"w"原本"w"係解 double soup! 而兩隻soup分別係豚骨同鰹魚 兩隻soup混合而成就係"w"啦!味道方面 個湯比較"結"身 聞到都覺得個湯好濃好香一夾起d拉麵個時 見到d湯依附住拉麵 吸收晒d湯味 仲有上面有塊厚切叉燒 個叉燒真係好正!唔肥唔瘦 比較"林"身 而且好入味另外達人拉麵係餐廳既招牌菜佢係用左好多既豬骨黎熬製 飲落去一d都唔油膩 仲有 個湯同"w"一樣 都比較"結"身我諗係因為有豐富既骨膠原係裡面