影片
更多
2024-06-09
19 瀏覽
今日我嚟到一間三代傳承嘅滷水店 -- 一品鹵水專門店。位置在於英皇道炮台山地段嘅一間小店，客人卻熙來攘往，街坊們都歡迎到此買番d滷味來送飯。呢度d滷味咁受歡迎據聞係因為食材「靚」，例如 : 只用澄海來嘅獅頭鵝做滷鵝，又規定要10斤重，確保滷水鵝有肉地。再加上師傅精心調配滷水膽，美味之餘又不令滷水汁太咸。有咁「正」野食，貪吃嘅我點都要嚟試下。今日隨意點左滷水鵝、滷水乳鴿、八爪魚等。另外，配料嗌紅腸、蛋。驟眼看外表，滷水色水5係太深色，但色澤係光鮮、「㕸㕸令」咁。而調配得宜嘅滷水汁，十分滋味。仲非常入味，連鵝、乳鴿嘅骨頭都滲滿滷水味。滷水八爪魚保留原本顏色，不似一般滷水店染到鮮橙色。食落Q彈爽嫩，不會覺得硬。配料嘅水準都好高好好味。呢間滷水小店食物嘅質數真不錯，一品鹵水專門店d鹵味真一品。
今日我嚟到一間三代傳承嘅滷水店 -- 一品鹵水專門店。
位置在於英皇道炮台山地段嘅一間小店，客人卻熙來攘往，街坊們都歡迎到此買番d滷味來送飯。
呢度d滷味咁受歡迎據聞係因為食材「靚」，例如 : 只用澄海來嘅獅頭鵝做滷鵝，又規定要10斤重，確保滷水鵝有肉地。再加上師傅精心調配滷水膽，美味之餘又不令滷水汁太咸。有咁「正」野食，貪吃嘅我點都要嚟試下。
今日隨意點左滷水鵝、滷水乳鴿、八爪魚等。另外，配料嗌紅腸、蛋。
驟眼看外表，滷水色水5係太深色，但色澤係光鮮、「㕸㕸令」咁。而調配得宜嘅滷水汁，十分滋味。仲非常入味，連鵝、乳鴿嘅骨頭都滲滿滷水味。
滷水八爪魚保留原本顏色，不似一般滷水店染到鮮橙色。食落Q彈爽嫩，不會覺得硬。配料嘅水準都好高好好味。
呢間滷水小店食物嘅質數真不錯，一品鹵水專門店d鹵味真一品。
張貼