影片
更多
2018-10-07
1995 瀏覽
旺角有唔少cafe，多數係喺裝修/遊戲上花心思，好似呢間咁無論食物定環境都有返咁上下質素嘅幾難得。大廈大堂焗促狹隘，估唔到上到嚟餐廳自然光充足，擺設予人輕鬆感覺。最近仲做緊全單75折優惠。餐廳菜式多元化，東南亞、日式、西式都有。價錢有高有低，午市套餐包前菜同飲品。熱菜可以沙律/餐湯二選一。跟餐嚟講沙律份量真係好大！而且係高質沙律。沙律菜種類夠多不在話下，最重要係佢唔係用沙律醬撈，而係用乳酪。沙律酸得嚟有啲奶脂香，呢碟沙律坊間賣幾十蚊都唔出奇。粟米南瓜湯味道亦好香甜。點咗店員推介嘅新菜式—川味麻辣醬脆炸雞扒漢堡配炸甜薯。擺盤精緻，漢堡伴有唔少柚子醋沙律。漢堡夾入蘿蔔絲、醃青瓜同紫洋葱，酸甜開胃。炸雞酥脆，雞肉嫰滑多汁。店員見我哋食得狼狽，即刻拎咗支籤嚟幫我哋拮住個包。張開口準備咬漢堡嘅一刻，花椒麻香撲鼻而至。烘過嘅漢堡包塗上牛油，食落更香。整體都食到麻香，醬汁唔漏，酸酸甜甜咁，但辣度只屬BB級，迎合大眾口味。食譜仲改進緊，或者會愈嚟愈辣？跟餐嘅炸甜薯係不得了咁好食！外皮酥脆，甜薯軟糯香甜。晶瑩嘅檸檬海鹽望落好似爆炸糖，但食落味道清新，令甜薯層次更豐富。肉眼扒比手掌更大，而且幾厚身。Per
旺角有唔少cafe，多數係喺裝修/遊戲上花心思，好似呢間咁無論食物定環境都有返咁上下質素嘅幾難得。
大廈大堂焗促狹隘，估唔到上到嚟餐廳自然光充足，擺設予人輕鬆感覺。
最近仲做緊全單75折優惠。
餐廳菜式多元化，東南亞、日式、西式都有。價錢有高有低，午市套餐包前菜同飲品。
熱菜可以沙律/餐湯二選一。
粟米南瓜湯、乳酪沙律
11 瀏覽
0 讚好
0 留言
跟餐嚟講沙律份量真係好大！而且係高質沙律。沙律菜種類夠多不在話下，最重要係佢唔係用沙律醬撈，而係用乳酪。沙律酸得嚟有啲奶脂香，呢碟沙律坊間賣幾十蚊都唔出奇。
2 瀏覽
0 讚好
0 留言
粟米南瓜湯味道亦好香甜。
點咗店員推介嘅新菜式—川味麻辣醬脆炸雞扒漢堡配炸甜薯。
川味麻辣醬脆炸雞扒漢堡 配炸甜薯
$92
8 瀏覽
0 讚好
0 留言
擺盤精緻，漢堡伴有唔少柚子醋沙律。
漢堡夾入蘿蔔絲、醃青瓜同紫洋葱，酸甜開胃。
炸雞酥脆，雞肉嫰滑多汁。
店員見我哋食得狼狽，即刻拎咗支籤嚟幫我哋拮住個包。
張開口準備咬漢堡嘅一刻，花椒麻香撲鼻而至。
烘過嘅漢堡包塗上牛油，食落更香。整體都食到麻香，醬汁唔漏，酸酸甜甜咁，但辣度只屬BB級，迎合大眾口味。食譜仲改進緊，或者會愈嚟愈辣？
檸檬海鹽炸甜薯
8 瀏覽
1 讚好
0 留言
跟餐嘅炸甜薯係不得了咁好食！
外皮酥脆，甜薯軟糯香甜。
晶瑩嘅檸檬海鹽望落好似爆炸糖，但食落味道清新，令甜薯層次更豐富。
澳洲有骨肉眼紅酒汁配白飯
$118
8 瀏覽
0 讚好
0 留言
肉眼扒比手掌更大，而且幾厚身。
Perfect嘅medium rare~如果塊扒切得唔好或者多筋，叫medium rare就會好難咬開。
但呢塊扒無論係邊位定中間都係咁靚嘅粉紅，一切就OK，入口多汁而外層有焦香。
特別位在於喺紅酒汁入面混入辣椒粉，辣椒嘅苦味帶出牛扒嘅焦香，食落更惹味。
拌菜嘅車厘茄有濃濃嘅乳酪香！正！！
飯亦係珍珠米做嘅靚飯~
張貼
