御苑皇宴 (已結業)

今次係第二次來，契媽生日，昨日1030去到霸位，但一望個場無客既，仲以為未開門，我地坐了望海景位，但天公公不斷地哭泣，看不清海景，我坐了半小時先有第二個客入來。這裡的點心細細件，用料靚，我點了流沙包…有三件，咬落去，d沙爆哂落我口，正。叉燒腸粉…雖然細細條但叉燒勁多，有口感。素粉果…皮薄，內裡的料切得好細粒，漲滿哂，好味。臘腸卷…靚腸，仲好大條，抵吃，吃完都飽了一半。鳳爪…都有六隻，味道好。侍應有禮，坐得舒服，埋單98元，值得再去。