利小館 (已結業)

6:30p.m.到，剛剛好有位，之後D人都開始要等位。枱與枱之間較近，不太適合傾偈GATHERING。菜肉生煎飽，OK，唔係多汁果種，但好軟熟，好味！口水雞：我第一次食，雞幾滑，很惹味，食完個口有少少麻痺的感覺，辣度剛剛好，$50多都有10件左右。蚵仔琵琶豆腐：食唔到一粒粒的蚵仔，但吃到蚵仔的香味。琵琶豆腐的竹質感與一般食開嘅唔同，這款是乾身的，有8件，吃到第3件已覺太乾。燒賣：即叫即做咁，超熱，裡面有蝦，唔會好似酒樓咁多肥豬肉，很好味！龍蝦湯海鮮刀削麵：個湯雖然唔太飲得出龍蝦味，但湯本身味也頗濃。蝦、帶子、魚塊各有2件，每件也鮮甜，唔似普通雪藏貨。刀削麵也很滑，時間掌握得好。