生記茶餐廳 (已結業)

睇左食評及報紙介紹好耐，但礙於地點唔就腳，又加上報導話此食店好多時大掛長龍，所以一直未能成行...聖誕前一星期，無所事事，叫darLing由屯門揸車去生記晚飯，佢一路揸一路話聖誕前夕好多人出街買禮物、一路又話油尖旺好多人、又一路話高速都好多車... 真的好不容易用了半小時去到老龍坑街，弊 無論合法或非法四周圍都泊滿車，又驚7pm多食店已經好多人，唯有掉低佢一人等車位，自己先行落車昅昅食店情況，好彩，剛巧有兩張枱食完埋單走人，唔洗等位 (可能天氣凍，隔離幾間打邊爐就好鬼多人)。打開menu，真係樣樣都想叫，千挑萬選，2個人只好揀左3款招牌菜︰鑊仔冬蔭公煮蜆 – 嘩，好大鑊呀﹗蜆肉都幾大隻，冬蔭公湯好夠味，見到有用香茅煮，酸辣味啱我口味，我飲湯仲多過食蜆，真係好想叫個淨烏冬加入個冬蔭公湯呢 生滾膏蟹粥 – 上枱時仲滾熱辣，用瓦煲煮好有風味，粥底幾厚，食到煲底有d焦粥我最鍾意，證明係原煲生滾，正。膏蟹多唔多膏真要睇睇彩數，我地lee烹粥隻蟹ichiban 蠔仔春卷 – 雖然$29得兩條，但蠔仔絕不輕手，成條春卷都充滿蠔肉，好鮮味啊﹗墊底的生菜絲都唔放過，加落d粥入面一齊食爽脆好好味o架3樣