影片
更多
2022-12-07
1019 瀏覽
上一次喺美味廚食飯，已經係上年嘅聖誕節。仲記得上次嘅中菜食完真係令人非常難忘，仲講過話好想去試吓去打邊爐。今年公司聖誕聚餐，咁啱撞正溫度急降，老闆提議去美味廚打邊爐，大家都超興奮呀！Admin同事喺聚餐之前send咗個湯底List俾大家，我哋睇到嘩嘩聲！好多湯底揀，仲要d湯底超級吸引！更加重要嘅係可以一人一鍋，大家揀自己鍾意嘅湯底，又可以衛生啲，超讚公司訂咗6樓嘅房，餐廳一早根據我哋嘅order pre-set好晒大家嘅湯底，仲print咗張卡仔寫咗大家嘅名同埋所揀嘅湯底，呢啲真係一流service！因為一早點好菜，所以d前菜同火鍋料好快就已經送咗嚟，感覺好震撼好澎湃。前菜有酸薑皮蛋同埋青瓜。個皮蛋係溏心皮蛋配埋個酸甜味適中嘅酸薑，簡直prefect！其實個青瓜都不錯，但我最鍾意都係酸薑皮蛋湯底揀咗cappuccino冬陰功，冬陰功香料好足，仲有大蝦同埋菇，濃濃嘅冬陰功味唔會太辣，好啱鍾意惹味嘅朋友。隔離同事試咗新湯底脆脆椰香三杯雞湯底，好香嘅椰汁味，我偷食咗佢面嘅脆脆，得意得嚟味道都非常好！火鍋料都好吸引，今次牛肉有宮崎A5和牛同埋手切雪花牛，兩款牛各有各嘅好味。D和牛好靚仔，入口油
Admin同事喺聚餐之前send咗個湯底List俾大家，我哋睇到嘩嘩聲！好多湯底揀，仲要d湯底超級吸引！更加重要嘅係可以一人一鍋，大家揀自己鍾意嘅湯底，又可以衛生啲，超讚
公司訂咗6樓嘅房，餐廳一早根據我哋嘅order pre-set好晒大家嘅湯底，仲print咗張卡仔寫咗大家嘅名同埋所揀嘅湯底，呢啲真係一流service！因為一早點好菜，所以d前菜同火鍋料好快就已經送咗嚟，感覺好震撼好澎湃。
湯底
83 瀏覽
0 讚好
0 留言
61 瀏覽
0 讚好
0 留言
前菜有酸薑皮蛋同埋青瓜。個皮蛋係溏心皮蛋配埋個酸甜味適中嘅酸薑，簡直prefect！其實個青瓜都不錯，但我最鍾意都係酸薑皮蛋
酸薑皮蛋
26 瀏覽
0 讚好
0 留言
湯底揀咗cappuccino冬陰功，冬陰功香料好足，仲有大蝦同埋菇，濃濃嘅冬陰功味唔會太辣，好啱鍾意惹味嘅朋友。隔離同事試咗新湯底脆脆椰香三杯雞湯底，好香嘅椰汁味，我偷食咗佢面嘅脆脆，得意得嚟味道都非常好！
火鍋料都好吸引，今次牛肉有宮崎A5和牛同埋手切雪花牛，兩款牛各有各嘅好味。D和牛好靚仔，入口油脂感重，肉質柔軟。而手切雪花牛肉味濃得嚟，亦有牛脂味，真心好好好正！另外仲有雞、豬同羊。不得不提個三杯雞，佢酒味濃，雞肉又滑，超match同事嘅脆脆椰香三杯雞湯底。
A5和牛
28 瀏覽
0 讚好
0 留言
到海鮮環節，有蝦、蠔、帶子、鮑魚，仲有打卡able 嘅魚(唔記得咗係咩班)。所有海鮮都好新鮮，個魚打邊爐更加不得了！魚肉好嫩滑，唔腥，連我唔食魚嘅人都食咗幾件
魚
27 瀏覽
0 讚好
0 留言
最期待嘅就係美味廚嘅餃子同丸子只要睇過menu就明㗎啦！佢d 餃子同丸子好特別，顛覆普通人嘅想像，因為佢唔係普通嗰d韮菜餃呀、墨魚丸咁簡單！我哋自選餃子揀咗北京填鴨餃、滷肉冬菇餃同黑松露和牛餃，三款餃子都食到我哋再次嘩嘩聲！北京填鴨餃真係好似食緊北京填鴨咁；滷肉冬菇餃又真係濃濃嘅滷肉同冬菇味；黑松露和牛餃更加驚為天人，黑松露同和牛味都好濃，100分match！好食到好想問吓有冇得買一盒外賣返去比屋企人試丸子我哋揀咗梅菜豬肉丸同埋沙茶醬蚵仔牛丸。梅菜豬肉丸滿滿嘅梅菜豬肉風味；沙茶醬蚵仔牛丸好彈牙，又有啖啖蚵仔味！下次如果有機會，一定要叫餃子拼盤同埋丸子拼盤小朋友才做選擇！我！通通都要
餃子
71 瀏覽
1 讚好
0 留言
丸子
43 瀏覽
0 讚好
0 留言
最後仲有好夠薑嘅湯丸，幫我哋呢餐畫上好完美嘅句號。仲有staff們keep住excellent嘅service，經理又好風趣，今餐無扣分位，滿滿滿分！
湯丸
21 瀏覽
0 讚好
0 留言
最後仲發現有得join member，消費夠唔記得幾多錢就可以upgrade VIP有discount，都好有動力，下次再嚟食
張貼
