影片
更多
2019-03-03
118 瀏覽
《J.S. FOODIES》 #食在九龍塘 #班戟店📍九龍塘達之路80號又一城LG2樓30號舖i.t blue block上年年尾就留意到依間班戟店，每次經過都打哂蛇餅排長龍。今日見早左收工，即管過黎睇下咩環境。開係i.t入面黎計，餐廳空間都唔細。貫徹日式簡約設計，感覺舒適。食物方面雖然主打班戟，除此之外亦有熱食。例如漢堡、意粉，甚至沙律小食。飲品都夠多元化，總有一款岩你😂______________________________🔸蕃茄海鮮意粉
雖然價錢不算好平，但份量同材料都對得住價錢。有一隻大虎蝦、兩粒大帶子、兩隻大青口。用新鮮蕃茄煮成的醬汁一D都唔會酸，加上蕃茄粒粒，伴上幼身意粉味道好夾。🔸士多啤梨藍莓香蕉班戟班戟種類多，主要分薄身款同梳乎里班戟兩大類，配上唔同既水果以供選擇。最後都係揀左梳乎里班戟，感覺會無咁heavy。上菜時離遠已經聞到好香既蛋味，非常吸引！厚厚既班戟造型可愛，十分鬆軟，切落去有適當水份不會乾身。上面加上奶油，搭上一口班戟，入口即溶既感覺好幸福！仲有依款班戟同其他相比，水果較多，有士多啤梨、藍莓、香蕉三款。🔸Honey Oran
📍九龍塘達之路80號又一城LG2樓30號舖i.t blue block
上年年尾就留意到依間班戟店，每次經過都打哂蛇餅排長龍。今日見早左收工，即管過黎睇下咩環境。開係i.t入面黎計，餐廳空間都唔細。貫徹日式簡約設計，感覺舒適。
食物方面雖然主打班戟，除此之外亦有熱食。例如漢堡、意粉，甚至沙律小食。飲品都夠多元化，總有一款岩你😂
______________________________
🔸蕃茄海鮮意粉 雖然價錢不算好平，但份量同材料都對得住價錢。有一隻大虎蝦、兩粒大帶子、兩隻大青口。用新鮮蕃茄煮成的醬汁一D都唔會酸，加上蕃茄粒粒，伴上幼身意粉味道好夾。
🔸士多啤梨藍莓香蕉班戟
班戟種類多，主要分薄身款同梳乎里班戟兩大類，配上唔同既水果以供選擇。最後都係揀左梳乎里班戟，感覺會無咁heavy。
上菜時離遠已經聞到好香既蛋味，非常吸引！厚厚既班戟造型可愛，十分鬆軟，切落去有適當水份不會乾身。上面加上奶油，搭上一口班戟，入口即溶既感覺好幸福！仲有依款班戟同其他相比，水果較多，有士多啤梨、藍莓、香蕉三款。
🔸Honey Orange Lemonade
超大片的橙片迫滿杯身，味道都好fresh！入口先係橙香，繼而先有檸檬既回甘。淡而清新，唔會太甜。適合係食完班戟既時候飲，消除奶油既油膩感。
🔸Cafe Caramel Frappe
沙冰打得夠smooth，入口唔會有沙冰碎。杯上有一大圈奶油，仲加上焦糖醬。焦糖味濃郁之餘，有不會過甜，洽到好處。
張貼
