王府

營業中

休息中

我嘅爸爸、媽咪去旅行最後一日。當晚，我走到中環一間出名兼有米芝蓮美譽嘅食府 <王府>！平日晚上 8:00 左右，喺中環區嚟講，呢度都算多人！幸好！我獨自走嚟易搵位！ 地方細小，坐得迫夾！所以，我 prefer 坐開面嘅坐位！一睇餐牌，餃子款式多不勝數！ 可以選擇 淨餃子或 餃子配麵，反而跟麵價錢仲平！真估佢唔到！淨餃子一份 10 粒，後者則只有 5 粒！既然一場嚟到，當然要試吓餃子麵！西紅柿雞蛋餃麵 $29如果淨西紅柿雞蛋餃的話係 $35。西紅柿即係番茄！聽聞係北方人嘅叫法！ 先講餃子：餃子皮厚度還算合格，質感有點粗糙，相信係自家出品！ 包住番茄、炒蛋、芫茜。番茄比例上較多！ 味道清新！酸度恰到好處！加入芫茜後，能提升清香味！ 就算食完亦唔覺得漏！果然很不俗！麵條粗度參差不齊！ 麵質尚算不錯！有煙韌口感！ 與上清湯一齊食，係絕配！整體味道不錯！只係質素略遜一籌！價錢方面的確相宜！一試無妨！我上星期一，到中環歌賦街的 <上海弄堂菜肉餛飩> 食菜肉餛飩麵，質素不錯！不妨比較一下！http://www.openrice.com/restaurant/comm