Todai (已結業)

　　一直以黎都係聽身邊既人講有幾好食 , 今次真係的起心肝豪返一晚食返餐 , 雖然我本身都唔會帶有好大既期望 , 可惜呢度比我既失望感覺太大la...　　冷盤篇 ~ 平時唔食d貴價野既我地都拎左d生蠔同長腳蟹食 , 話哂係呢度既主打糾嘛 , 生蠔的確係唔錯 , 好清甜新鮮 , 又唔會有腥味 , 壽司小卷刺身款式好多 , 連海膽同明太子小卷都有得食味道一般 , 但係三文魚等魚生刺身極為唔鮮甜 , 放左入口咬左一嗦已經吐返出黎 , 沙律冷盤小食如就不過不失。　　熱葷篇 ~ 首先揀左工樣比較回本既芝士蝦﹑蒸帶子同炸帶子食先都幾好 , 後尾仲好辛苦咁排隊拎埋小龍蝦 , 不過就麻麻地好食 , 其他熱盤都係同平時大同小異 , 旁邊有區可以自選材料整意粉 / 湯麵 , 烤芝士多士既服務生好好人 , 會提醒每個客人拎左之後要趁熱食。　　甜品篇 ~ 好欣賞佢地既甜品全部都係細細件 , 可以試哂咁多都唔怕飽 , 雪糕雪芭又已經勺好一杯杯 , 鐘意既話可以叫服務生幫你勺幾種味道放係一杯 , 每種味道都好食 , 尤其係桑苺雪芭。　　總括黎講 , 如果要揀既話唔會再食呢間囉 , 因為真係冇咩特別話好食到要再黎既