小肥牛火鍋活魚專門店 (已結業)

次次去都話冇位,一係就話得幾點有位,今次終於有位,上到去見到環境都好大,有好多檯和房坐低睇吓有乜食我就選左打邊爐,選湯底時待應推介試北海道番茄蟹鍋,話一鍋有兩種味道,就一於試吓啦 一如待應教法去食,首先唔好整爛個番茄去打邊爐,個窩內有蟹肉、豬肉粒、花甲、北海道番茄,蟹肉好甜、豬肉和花甲爽,試吓個湯個味道係海鮮湯味,後來食到中段個番茄煮到好冧,就將佢整爛再試吓個湯,味道真係同之前唔同 變左做好濃既番茄牛肉湯味 我係牛魔就選左以下食品來拾吓拾吓 :極品手切本地肥牛(例),牛肉味鮮甜,但比較有趙頭,要用d牙力極級安格斯牛頸脊(例),好好味,肥牛味重好軟滑 美味牛肉粒,呢個牛味好甘香,有d口感 牛脷托,牛味就冇禁濃,爽口手打鮮蝦滑,超正,超彈牙爽口 比其他地方大件,厚薄適中好趣冇油益味 還叫左其他,如:意式芝士牛丸、炸魚皮、雞子、脆鯇片、皇帝菜,最後食完還有免費生果食和送左張活魚刺身券下次用