香港海賊王餐廳 (已結業)

朋友一直好想去食海賊王餐廳 雖然我唔係粉絲 但係都陪佢黎下啦門口已經係影相位 餐廳入面仲有唔同角色既公仔可以瘋狂影相tim一間主餐廳黎講 呢度都算好有氣氛 所有野都可以配合到海賊王 粉絲必去呀餐廳中間仲會有大銀幕會播海賊王既角色 仲有燈光效果 令人睇得好投入好興奮〰️三刀流串燒〰️黎到真係有三把刀串住哂d食物 分別有海鮮雞肉同牛肉 另外仲配左沙嗲醬食 不過最好就要即刻食 唔係就會凍哂唔好味架啦〰️正義牛扒三文治〰️真係成大塊牛扒夾住黎食 我地揀左5成熟 煮得岩岩好又唔會過熟咬唔開塊牛扒 配埋生菜蕃茄食 成個配搭好好味〰️甘美忌廉煙肉蜆殼粉〰️估唔到仲有隻蛋係上面, 忌廉汁配埋蛋汁一齊食, 完全唔會覺得好膩, 同埋第一次見個蜆殼粉係咁大粒〰️美橙汁梳打〰️仲有杯墊送tim不過餐廳9點半就會last order, 想食既朋友就要早d去啦, 因為影相都會有排影