一芳台灣水果茶 (已結業)

久仰「一芳」大名一段時間，上年第一間「一芳」係朗豪坊開左首間分店，人9成都係貪新鮮嘅動物，人籠不絕，聽說等一個鐘以上。。。可惜小妹耐性欠奉，要我等一個鐘我諗我會發狂。隔左咁耐我直情係忘記左佢到左今日，佢終於開到元朗喇，我經過嘅時候先將佢重新記起，所以就決定一試喇。一芳水果茶 $33 - 第一次點會唔點佢「名物」水果茶呢，我叫左大杯，微微糖/少冰。配料有蘋果橙各2-3塊，同熱情果籽，份量老實說有點少。飲落茶味偏淡同有淡淡果香，如果重口味嘅人會覺得佢冇味，但我對飲品個人不愛太甜，所有覺得控制得ＯＫ嘅唔會過甜過酸，有時出面飲到果Ｄ酸到驚，但整體感覺並不突出。飲完有少少慶幸我最初冇為左佢花一個鐘去等，但我間唔中路過口痕都去幫襯下嘅。