臺北棧 (荷李活道) (已結業)

CHECK-IN TAIPEI裝修似台灣夜店，店內有不少台灣特色設計，加上循環不斷地播放台灣流行音樂，令人彷如置身於台灣。蒜片台灣腸咬入口鮮嫩多汁，煎的恰到好處，外皮唔會過硬，配埋蒜片的味道，口感層次極豐。帶點膠質的肉臊口感上佳，配合有嚼頭的米飯一齊食，就係古早的台灣味呀。台灣牛肉麵酒紅色的湯底有藥材香味，味濃微辣而不油膩，牛𦟌雖然大塊但同時煮得很腍，刀削麵麵條份量頗多，但麵條唔算彈牙，係稍微美中不足的地方。珍珠奶茶味道唔錯，茶底夠出色，飲落去茶香味濃，另外珍珠口感煙韌有嚼頭。