一生懸麵 (荃灣千色匯I) (已結業)

聽過一生懸麵呢個名好耐，有日去荃灣見到呢間分店冇乜人就入咗去食晚餐🌌叫咗一款拉麵同一款沾麵加個小食1️⃣白湯豚骨拉麵🍜 $72 好濃嘅豬骨味，一啲都唔油膩，麵質要咗正常，但可能由於比較幼嘅關係，所以偏冧，拉麵質地一般，但係個湯底值得讚，比起沾麵嘅豚肉薄少少，配料方面有紫菜 半隻糖心蛋 筍，紫菜同平時一拉麵舖差不多唔係脆，糖心蛋出色，非常入味，筍有部份會有‘渣’2️⃣ 特濃豚骨沾麵🐷 $82 熱 由於係特濃嘅關係沾麵湯底比較鹹，湯底都10分足料，入面有兩舊仔嘅腩肉，不過太肥所以都冇食曬，叉燒比頭先個拉麵肥美 厚身，叉燒唔算滷得好入味， 但係剪得好靚，連肥膏嘅位置都會有少少焦狀態，其他配料同拉麵一樣，個人比較鍾意呢個麵質地，比較有咬口，掛到湯，而且如果淨係食麵條會食到帶有少少甜味3️⃣ 唐揚炸雞🐔 $35 呢個價錢真係唔貴，而且有四件大大件嘅雞，入面都仲有啲肉汁，配有沙律醬同檸檬自由選擇整體來講，唔使排隊，又用呢個價錢去食都算係唔錯👍🏻👍🏻如果出去諗唔到食啲咩，可能都會考慮再去