Outback Steakhouse (MOKO新世紀廣場)

營業中

休息中

係政府防疫措施之下已經好耐無係街到食晚飯啦，今日終於可以啦，我地幾個就大約七點半左右去到，可能剛剛回復晚市冇耐都幾多人等位，我地都等左三個字左右先入到去。我地睇左一陣餐牌就決定用滙豐信用卡個優惠叫左一個四人套餐，好似有8折優惠。咁套餐都包有包餐湯、前菜、主菜同埋可以用優惠價加甜品。當然就唔少得最出名嘅黑塘麵包，雖然咁岩果時岩岩冇晒要等一陣，但係都值得等因為新鮮出爐暖暖地好好食。而主菜就當然要食戰斧牛扒啦 ，仲要員工幫我哋切埋，只係需要就咁吉尼食，味道都唔錯。