School Food (已結業)

周圍都話減價大割引，買呀買呀，行到九點幾先知肚餓，拿拿聲走上頂樓睇下有咩食，第一間就係school food，唔洗排隊等位，但職員話10點last order,冇問題啦，快快點菜快快食，可惜因為我地坐係廚房門口位，職員出出入入，都幾眼花，而且又聽到同事間互相不滿講事非，呢part真係幾煩厭。因為我要戒口，所以選了唔辣嘅煙肉壽司和野菜蛋卷，兩種壽司都好食，亞仔叫拉芝士炒飯有d辣，唔食得辣嘅就唔好叫啦，仔話洋蔥份量太多，麻麻地。 雞翼甜中帶辣再加埋拉芝司，實在係好配搭。亞女叫濃湯拉麵都要$6x,唔抵食。老公叫咖哩炸雞拉麵，咖哩味偏甜，似日式咖哩，炸雞皮脆肉嫩，老公話好味👍🏻 唔記得飲品叫咩名，顏色好靚，有菠蘿肉，酸酸甜甜，又係幾好味。