影片
更多
2019-04-20
1749 瀏覽
搬來了將軍澳多年，一直最不滿缺乏港式茶餐廳（屋企附近），連鎖集團旗下餐廳就有大把；最近終於開了一間「王牌冰廳」，即刻走去試試。原址以前是「Pizza Hut」，雖然只是專做外賣，但將軍澳區實在太多 Pizza 店，競爭劇烈，「Pizza Hut」既不特別好食、價錢亦不夠便宜，撤離也是意料中事。餐廳新開張不久，很多人抱着相同心態試食新餐廳，等了10多分鐘才有位。餐廳名字雖然係「冰廳」，但重點推介卻是蜂蜜叉燒，餐廳門口亦有一個小小的廣東燒味砧板枱，掛了一隻燒鵝、油雞、切雞及原件燒腩，限制於餐廳面積太細，見不到原隻大燒豬。上手租客「Pizza Hut」沒有堂食，已經估計舖位面積一定細小。一如所料，座位空間狹窄、亦相對擠迫，不過，裝修尚算乾淨企理。睇完餐牌內容就有點失望，雖然自詡「冰廳」，港式茶餐廳食品實際上只有早餐及幾款三文治，即炒粉麵飯欠奉；只是主打各式廣東燒味，餐廳名字換成「燒味茶餐廳」更為合適。難怪餐廳老闆自創燒味俠形象，在兩邊牆上畫上了燒味俠漫畫。雖然談不上什麼室內設計品味，但非常生動有趣。是日例湯青紅蘿蔔煲豬骨，淡而無味；明顯湯料份量太少，但湯水太多。原隻燒鵝髀飯（$88）拼燒腩仔
餐廳名字雖然係「冰廳」，但重點推介卻是蜂蜜叉燒，餐廳門口亦有一個小小的廣東燒味砧板枱，掛了一隻燒鵝、油雞、切雞及原件燒腩，限制於餐廳面積太細，見不到原隻大燒豬。
上手租客「Pizza Hut」沒有堂食，已經估計舖位面積一定細小。一如所料，座位空間狹窄、亦相對擠迫，不過，裝修尚算乾淨企理。
睇完餐牌內容就有點失望，雖然自詡「冰廳」，港式茶餐廳食品實際上只有早餐及幾款三文治，即炒粉麵飯欠奉；只是主打各式廣東燒味，餐廳名字換成「燒味茶餐廳」更為合適。
難怪餐廳老闆自創燒味俠形象，在兩邊牆上畫上了燒味俠漫畫。雖然談不上什麼室內設計品味，但非常生動有趣。
是日例湯青紅蘿蔔煲豬骨，淡而無味；明顯湯料份量太少，但湯水太多。
5 瀏覽
0 讚好
0 留言
原隻燒鵝髀飯（$88）拼燒腩仔（雙拼加 $10）
$98
10 瀏覽
0 讚好
0 留言
酸梅醬味道香濃，酸味清新，似乎是自家炮製。
燒鵝髀啖啖肉，只是燒鵝皮稍嫌唔夠香脆，亦唔係略為腍身、但非常入味的口味，有點兩頭唔到岸；而且，鵝皮太薄、欠缺鵝脂，香氣未夠濃郁。不過，勝在肉質香滑軟身、冇渣。
燒腩仔肥瘦相間，皮脆肉香；味道有淡淡五香粉香氣，亦沒有偏鹹的毛病，較燒鵝更好吃。
近年坊間很多中式酒樓，甚至酒店中菜廳，俱推出叉燒皇，其中不少出品以採用西班牙黑豚肉為招徠，當然也是非一般叉燒價錢。「王牌冰廳」的王牌蜂蜜叉燒(例)（$68）有燶邊、顏色深紅、表層又燒烤至些微香脆，賣相相當不錯，難怪夠膽自稱王牌；若果表面的金黃色蜂蜜醬汁可以再多一些、包封着整條叉燒，就會更加吸引。這個價錢當然不可能是西班牙黑豚肉，所選用的是接近全瘦的本地豬脢頭，肉質軟腍、入味，亦能品嚐到蜂蜜甜香，質素已經勝過很多酒樓或燒臘店的出品；只是個人口味始終喜歡帶點脂肪的半肥瘦脢頭，貪其肉質更加鬆化。
王牌蜂蜜叉燒(例)
$68
84 瀏覽
1 讚好
0 留言
以為秘制蔥油豬扒撈公仔麵（$48）的醬汁有什麼特別，原來只是豉油撈丁，蔥油則是蘸油雞或切雞的蔥油，並沒有特別炒香。
秘制蔥油豬扒撈公仔麵
$48
23 瀏覽
0 讚好
0 留言
公仔麵雖然並非出前一丁、亦沒有加錢轉出前一丁的選項，不過，即食麵條也夠爽口彈牙；只是份量似乎唔足一個即食麵餅，大約只有三分之二個即食麵左右。
煎豬扒令人失望。本來，已經知道茶餐廳的煎豬扒只有軟腍、沒有肉味欠彈性，但這件豬扒連軟腍也做不到，偏乾硬、兼有一圈唔好食的豚脂。
廣東燒味的確相當好食。出品質素可以媲美「太興」 - 雖然未至於超級好味，但勝在穩穩陣陣，以後加送斬料多了一間選擇。只不過，又不知道要等多久，屋企附近才能有一間真真正正的港式茶餐廳了！
張貼
